බොදු බල සේනා සංවිධානයේ ලේකම්, පූජ්ය ගලගොඩඅත්තේ ඥානසාර හිමියන්ට කොළඹ මහේස්ත්රාත් අධිකරණය විසින් නියම කරනු ලැබූ සිර දඬුවම, කොළඹ මහාධිකරණය විසින් අද (23) තහවුරු කර තිබෙනවා.
එම සිර දඬුවමින් තමන් වහන්සේව නිදොස් කොට නිදහස් කරන ලෙස ඉල්ලා ඥානසාර හිමියන් විසින් ඉදිරිපත් කළ අභියාචනයක් ප්රතික්ෂේප කරමින්, කොළඹ මහාධිකරණ විනිසුරු මංජුල තිලකරත්න විසින් මෙම තීන්දුව ලබා දී තිබෙනවා.
ඉස්ලාම් දහමට අපහාස වන ආකාරයේ ප්රකාශයක් සිදු කිරීම තුළින් ජාතීන් අතර සංහිඳියාව උල්ලංඡනය වන ආකාරයෙන් කටයුතු කළේ යැයි චෝදනා කරමින්, දණ්ඩ නීති සංග්රහය යටතේ පොලිසිය විසින් ඥානසාර හිමියන්ට එරෙහිව නඩුවක් ගොනු කර තිබුණා.
නඩු විභාගයකින් අනතුරුව, එම චෝදනාවට වැරදිකරු කළ ඥානසාර හිමියන්ට කොළඹ මහේස්ත්රාත් අධිකරණය විසින් මෙම දඬුවම නියම කර තිබුණා.